Kandidati i koalicionit “Bashkë Fitojmë” për bashkinë e Durrësit, Igli Cara ka zhvilluar takime me qytetarë dhe biznese. Cara ishte tek e tregu i fruta-perimeve të qytetit, ku theksoi ai, “produktet nuk mungojnë, por fuqia blerëse ka rënë ndjeshëm”.
“Ndryshimi nuk është thjesht dëshirë e përbashkët, por domosdoshmëri, me synimin për të përmirësuar ndjeshëm cilësinë e jetesës së çdo qytetari të Durrësit, qoftë tregtar ose konsumator”, u shpreh Cara.
Në takimet me qytetarë Cara theksoi se do të punojë për Durrësin, për hapësira dhe mundësi për këdo.
“Qyteti je ti, që të diferencojnë dhe të harrojnë; që të mbajnë larg dijes dhe shkollimit; që të largojnë dhe të kufizojnë; që prek mospërfilljen, arrogancën, çdo ditë; që nuk di se ku të drejtohesh për ta ndjerë veten të barabartë e jo vetëm në letër. Qyteti jemi ne, të gjithë së bashku mund të bëjmë ndryshimin. 14 maji është zgjedhja jonë”, u shpreh ai.
Discussion about this post