Ish-deputeti i PD, Igli Cara, nëpërmjet një postimi në rrjete sociale thotë se mundësia për të sjellë ndryshimin në vend është bashkimi dhe rikthimi i Partisë Demokratike si alternativë qeverisëse.
Teksa tregon se ka shpallur kandidaturën për kryetar të Partisë Demokratike në Durrës, Cara shkruan se kemi nevojë të shohim njëri-tjetrin në sy e mbi të gjitha të kontribuojmë për ndërtimin e besimit dhe ringritjes së Partisë Demokratike.
Ish-deputeti shkruan se në hapat e parë të PD në Qytetin Studenti ka dhënë por edhe ka marrë besim e vlerësim gjithmonë nga demokratët e bashkëqytetarët e tij, të cilët e kanë votuar e mbështetur në dy legjislatura dhe u është mirënjohës pa fund.
“Nga ana tjetër, ne, si opozitë kemi 9 vite, që kemi humbur shijen e fitores dhe nuk mundëm të ndërtonim mekanizmat e analizës, të marrjes së përgjegjësisë dhe të hapjes së një debati brenda nesh.
Pasojat dihen, por nuk përfunduan me kaq. Pas 9 shtatorit, një seri ngjarjesh e rënduan edhe më shumë situatën, e cila vijon të jetë delikate, duke gjeneruar edhe kontradikta e konflikte.”-shkruan Cara në facebook.
Ai thekson se opozita prej 9 vitesh e ka humbur shijen e fitores prej Lulzim Bashës ndërsa shton se Partia Demokratike duhet të jetë e të gjithëve.
Discussion about this post