Hristijan Mickoski, Kryetari i VMRO-DPMNE-së shkruan në rrjetin social “Facebook” shkruan se ka arritur shumicë të re parlamentare, pas dorëheqjes së Zoran Zaev.
“Një e ardhme e re po vjen, një kohë e re dhe një shpresë e re. Na presin sfida të forta, të vetëdijshëm dhe mirënjohës për mbështetjen, së bashku do t’ia dalim” shkruan Mickovski.
Ndër të tjera Mickovski shkruan se Maqedonia do të ketë sukses pasi ai ka një shumicë parlamentare.
Ai ka ndarë një foto të përbashkët me liderin e së majtës Dimitar Apasiev, sekretarin e përgjithshëm të Besës, Arjanit Hoxha, kryetarit e Alternativës Afrim Gashi dhe Sekretarin e Përgjithshëm të Aleancës Shqiptare, Arben Taravari.
“Shumicë e Re! T’fala nga Taravari”, shkruan në një video të postuar Sekretari i Përgjithshëm i Aleancës Shqiptare.
Ditën e nesërme pritet të ketë dhe një deklaratë për mediat.
Shumica parlamentare ka 61 deputetë, por VMRO-DPMNE paralajmëron rritje të numrit të deputetëve në mazhorancë.
Discussion about this post