Në çdo vit që harton buxhetin, qeveria përcakton një shumë të papërfillshme sa i përket jetimëve. Madje në vendin tonë kjo kategori nuk merr as atë që meriton. Këtë shqetësim e ka ngritur përmes një interviste televizive kreu i Instituti Kombëtar i Integrimit të Jetimeve Shqiptarë, Ilir Çumani.
Ai ka treguar se fëmijët jetimë paguhen nga shteti me një pagesë jo më tepër se 3 mijë lekë në muaj. Sipas tij ligji që garanton mbështetjen financiare të fëmijëve jetim nuk është zbatuar plotësisht, pasi jetimët marrin 20 euro nga 180 të domosdoshme. “Statusi për jetimët, i miratuar në 1996, synonte një jetesë të mirë të fëmijëve pa prindër. 26 vite më vonë, shoqata e jetimëve thotë se ky status nuk ka qenë asnjëherë funksional dhe përmbajtja e tij nuk ka pasur asnjë fuqi ligjore. Ndihma financiare ndaj tyre është 6 herë më e vogël se vendet e tjera të rajonit dhe 9 herë më e vogël se pagesa që do të duhej të duhet të merrnin”, u shpreh ai.
Sipas tij, në institucionet e fëmijëve me financim nga organizatat jofitimprurëse, shpenzimet e plota të fëmijëve shkojnë 560 euro, ndërsa në institucionet shtetërore deri në 420 euro. Mes këtyre shifrave, janë rreth 31 mijë të tjerë jetimë që duhet të trajtoheshin, por ligji është përjashtues për shumicën e tyre dhe askush nuk ka ngritur zërin për këtë. Prandaj, Çumani kërkoi që qeveria të merret më shumë me këtë kategori, pasi kanë më shumë nevojë për mbështetje.
Discussion about this post