IKMT në bashkëpunim me ARRSH dhe Policinë e Shtetit ka nisur ditën e sotme, një aksion për bllokimin e hyrje-daljeve të paligjshme në autostradën Tiranë-Durrës.
IKMT njëkohësisht po vazhdon bllokimin e hyrje-daljeve të paligjshme përgjatë rrethrrotullimit tek “Pilo Lala” në drejtim të Lushnjes.
Prej datës 27 nëntor të këtij viti, Autoriteti Rrugor Shqiptar kishte njoftuar nisjen e punës për mbylljen e hyrje-daljeve të rrezikshme që nuk plotësojnë kriterët dhe standartet.
Përkrah autostradës është rruga dytësore Tiranë-Vorë dhe anasjelltas. Rrugët komunikojnë me njëra-tjetrën përmes këtyre dy kryqëzimeve që janë bërë shpesh burim aksidentesh.
Pak metra më tutje, ndodhet një nga kryqëzimet më të rrezikshme në këtë aks. 50 m para kryqëzimit, drejtuesit e mjeteve rekomandohen të lëvizin me shpejtësi jo më shumë se 50 km në orë.
Në akset rrugore në Shqipëri janë 1300 hyrje dalje të paligjshme të cilat do të mbyllen sipas ARRSH pasi rrezikojnë sigurinë rrugore.
Discussion about this post