Inspektorati Kombëtar i Mbrojtjes së Territorit (IKMT) është rikthyer këtë të martë në Orikum, ku ka ndërhyrë për shembjen e dy objekteve në bregdet, të cilat janë skualifikuar nga procesi i legalizimit.
Pronarët e kanë kundërshtuar ndërhyren duke e cilësuar se është e paligjshme, pasi objektet e tyre ndodhen ende në proces gjyqësor me Agjencinë e Kadastrës (ASHK), ndërkohë që nuk janë njoftuar zyrtarisht për prishjen.
Pronarët kanë kërkuar kohë dhe i janë drejtuar institucioneve, por janë përballur me një “fakt të kryer”.
“Përshëndetje jam Emanuela Xhanej dhe ju flas nga Orikumi. Sot familja jonë është ngritur me makinat e policisë në oborrin e banesës sepse pres të vijë IKMT dhe IMT për të shembur ndërtesën jemi në proces gjyqësor me ashk qe prej 5 muaj. Ndërtesat janë në proces legalizimi që nga viti 2022 dhe ne nuk ka na ka ardhur asnjë paralajmërim as nga IMT dhe as nga IKMT vetëm erdhi makina e policisë për të na lajmëruar se po vjen IMT dhe IKMT për të shembur ndërtesat ne nuk kemi marrë asnjë paralajmërim asnjë nga institucionet në fjalë për shembje”, shprehet nje nga pronaret e objektit.
Përveç Inspektoratit Vendor të Mbrojtjes së Territorit në Vlorë, në aksion morën pjesë edhe forcat e IKMT-së nga Tirana, të mbështetura nga policia me efektivë të shumtë në terren.
Megjithatë, pavarësisht kundërshtive, ndërhyrja u krye dhe dy objektet u prishën nga forcat e IKMT-së.
Discussion about this post