Inspektorë të Inspektoratit Të Mbrojtjes së Territorit janë vendosur në orët e para të mëngjesit të sotëm në ambientet e resortit “Prestigje Resort” në plazhin e Golemit. Mësohet se IKMT do të kryejë shembjen e një objekti të vendosur në resort.
Lidhur me këtë situatë të krijuar në orët e para të mëngjesit të sotëm, ka reaguar edhe zëvendës presidentja e këtij resorti Fabiola Hysenbelliu e cila është shprehur se shteti vepron sikur është në pronën e tij dhe se sipas saj Edi Rama e ka firmosur vetë lejen e ndërtimit.
“Atje ai nga Serbia po buzëqesh mirëpo i themi që ne nuk mposhtemi. Editorialet ne nuk i ndryshojmë e nuk do mposhtemi nga këto fadroma. Shteti vepron sikur është në pronën e tij, këtë që po bën sot Edi Rama ta mbajë mend. Ai vetë ka firmosur lejen se ku është shkelur ligji nuk e di. Mbase është shkelur maliqi mirëpo jo ligji. I them atij se kjo pishinë do bëhet akoma më e bukur seç është. Ai vinte këtu e shëtiste e na thoshte se si ti bënim ngjyrat e godinave, do nxjerr dhe fotot.”
I gjithë ambienti i jashtëm, në pronësi të Irfan Hysenbelliut është mbushur me forca të shumta policie dhe punonjës të resortit e përfaqësues të saj.
Discussion about this post