Inspektorati Kombëtar i Mbrojtjes së Territorit vijon aksionin e prishjes së ndërtimeve pa leje në pikën turistike të Shirokës në Shkodër.
Ka filluar shembja e një bar restoranti në Shirokë, por në total pritet të shemben 48 objekte pa leje.
Bëhet fjalë për objekte që kanë shërbyer si bare dhe restorante, por ka edhe objekte të tjera që do të preken. Ka pasur fillimisht kundërshtime nga pronarja e restorantit, në lidhje me marrjen e njoftimit për prishje të objektit.
Këto nuk janë marrë parasysh nga IKMT. Aksioni do të shtrihet në të gjithë teritorin e Bashkisë Shkodër.
Ka pasur disa ditë më parë një aksion në zonën turistike të Thethit, për prishjen e 8 objekteve pa leje, por është ndërprerë nga banorë.
Inspektorati Kombëtar i Mbrojtjes së Territorit vijon aksionin e prishjes së ndërtimeve pa leje në pikën turistike të Shirokës në Shkodër.
Shiroka është një ndër pikat turistike më të vizituara në vendin tonë. Gjatë stinës së verës, qytetarët sfidojnë temperaturat e larta me freskinë dhe ujin e pastër të liqenit të Shkodrës, ndërsa nuk largohen pa provuar edhe tavën e krapit, gatimin tradicional të zonës.
Discussion about this post