Një nga ikonat e Interit dhe futbollit italian, Fulvio Kolovati, mendon se së shpejti zikaltrit do të afrojnë një tjetër mesfushor si zëvendësin e Hakan Çalhanollu. Ish-futbollisti i njohur i viteve ’70-’80 ka argumentuar se shanset e Asllanit kanë mbaruar dhe se Inzagi po jep prova se nuk ka më shumë besim te ai.
“Duhet të jemi objektivë dhe të shohim realitetin. Kam përshtypjen që ai i ka luajtur shanset që kishte te Interi. Ai u ble me shpresën që ta kishin si zëvendësues të Çalhanollu, por në këtë moment turku është një nga regjisorët e organizatorët më të mirë në Europë, për të mos thënë më i miri. Dhe nuk është e lehtë ta zëvendësosh.
Ndonëj dyshim është ngritur rreth Asllanit, shpesh vendoset në qendër Mkhitarjan apo Barela për të aktivizuar Fratezin apo Zielinskin. Djaloshi ka humbur besimin dhe mendoj që në të ardhmen e Interi, mund të ketë një mesfushor të ri si alternativë për Çalhanollu”, tha Kolovati duke folur në një emision televiziv.
Discussion about this post