Paraditen e sotme IKMT ka shembur 12 shtëpi në zonën e plazhit Golem, duke lënë të pastreha familjet. Autoritet shprehen se i shemben këto shtëpi pasi ishin dëmtuar nga tërmeti dhe janë të pabanueshme, por banorët shprehin të kundërtën. Ato thonë se banesat patën vetëm disa dëmtime të lehta dhe që nga tërmeti ata kanë jetuar aty pas asnjë rrezik. Prandaj, aksioni është kundërshtua nga banorët. Ata thonë se nuk askush më parë nuk i ka informuar se banesat e tyre janë dëmtuar rëndë nga tërmeti dhe duhet të shemben. Ata akuzojnë IKMT se i nxori me forcë nga banesat me qëllimin që aty të ndërtojnë hotele dhe resorte për interes të vet.
“Kemi 30 vjet që jetojmë aty, bëhemi 12 familje. nuk na kanë dhënë urdhrin kur ka rënë tërmeti po na e thonë tani. ku do shkojmë me 120 mijë lekë. Banesa ime është DS4. Nuk jam në dijeni. Mund të ndërtojnë vete, hotel pallat, por të kemi 30 vjet këtu dhe të na thonë për 3 vjet ikni. të më lenë 30 vjet e të heqin prej lekcash. të vijnë të na thonë që do t’iu heq për këtë arsye”, u shprehën banorët.
Por, drejtori i Shërbimeve në bashkinë e Kavajës thotë se vendimi për shembjen e tyre ka ardhur nga Instituti i Ndërtimit, pasi janë klasifikuar në kategorinë DS4 dhe konsiderohen të pabanueshme. Bëhet fjalë për 12 familje që prej 30 vitesh jetonin në këtë zonë.
Discussion about this post