Ramazan Rraja i shpallur në kërkim nga policia e Lezhës, për ngjarjen që terrorizoi opinionin publik, kur sëbashku me shokë, Rraja mësyu në një lokal i maskuar dhe i armatosur, duke kërkuar “prenë” e radhës. Burime bëjnë me dije se Ramazan Rraja po “fshihet” nga uniformat blu duke bërë pushime në Dubai.
Mësohet se deri para dy ditësh, ai ka qenë në Tiranë, ndërsa dje është larguar me urgjencë drejt “parajsës” së Dubait, për t’i shpëtuar “ferrit” të burgut. Por ikja e tij një ditë para se të shpallej në kërkim ngre dyshime të mëdha për ndërveprimin e të shpallurit në kërkim me Policinë e Shtetit, nga ku duket se Rraja ka burimet e tij.
Mësohet se 2 personat e tjerë të shpallur në kërkim janë A. D., 31 vjeç, banues në Fushë Krujë dhe R. B., 29 vjeç, banues në Pllanë, Lezhë. Këta persona janë të njohur për drejtësinë, pasi rezultojnë me precedentë të mëparshëm kriminal në fushën e krimeve ndaj personit, armëmbajtjes pa leje dhe narkotikëve, të cilët menjëherë pas ngjarjes janë larguar jashtë vendit.
Discussion about this post