Një person nga Korça është arrestuar ditën e sotme, pasi kaloi një sasi mallrash kontrabandë nga Kapshtica. Policia njofton se në pranga ka rënë një 47-vjeçar i identifikuar me iniciale O.C, i cili i kishte marrë mallrat për t’i shitur në mini marketin që zotëronte në Korçë.
Gjatë kontrollit në fshatin Miras në Devoll, policia gjeti në makinën e tij produkte ushqimore, paketa cigareje si dhe një sasi pijesh alkoolike, të cilat i kishte të pa zhdoganuara.
Po ashtu është shoqëruar një tjetër person, pasi gjatë kontrollit në mjetin e tij në Bilisht, policia gjeti një sasi me medikamente mjekësore pa pullë fiskale, të cilat dyshoheshin se ishin të kontrabanduara.
Discussion about this post