Komisioni Hetimor për Shëndetësinë ka përfunduar rreth orës 02:00 pas mesnate, me debate e tensione mes PD dhe PS në mbledhjen maratonë që zgjati afro 16 orë.
Deputetët e opoziotës vendosën si kusht për dhënien e dëshmisë nga ish-ministri Ilir Beqaj, thirrjen e kryeministrit Edi Rama dhe biznesmenes Vilma Nushi.
Beqaj ka pritur dje nga ora 10:30 ne paraditës ë Kryesinë e Kuvendit deri në momentin e mbylljes së Komisionit
Ndërkohë pak minuta para mbylljes së Komisionit Hetimor për Sterilizimin dhe Check-Up, ka pasur përplasje mes ish-ministrit të Shëndetësisë dhe anëtarëve të PD-së.
Pasi opozita kërkoi që Ilir Beqaj të kthehej në burg pasi kishte kaluar data 13 Nëntor që kishin marrë leje për nxjerrjen e tij nga qelia. Ish-ministri u fut në sallë dhe u përplas me deputetët demokratë.
“Kush je ti që hyn këtu, dil përjashta. Grada Policia urgjent të kthejë Ilir Beqajn në qelinë e burgut tani”, tha Vokshi, duke shtuar: “Guxon ai dhe vjen e kërcënon”.
Pjesë nga debati:
Ina Zhupa: T’i jepet leja zotit Beqaj të kthehet në qeli, atje ku e ka vendin. Kryesia e këtij Komisioni të shqyrtojë mundësinë e pyetjes dhe lejes për datën 14 për Beqajn, si edhe dy dëshmitarët e tjerë Rama dhe Nushi. Për Beqajn për leje, se këto dy të tjerët s’ka nevojë se janë të lirë ende. Shpresoj të jenë sa më shpejt njerëz nëpër burgje. Beqaj të shkojë ku ka vendin. Nëse këta duan të bëjnë shoë dhe t’i japin një natë liri zotit Beqaj, më vjen shumë keq. Ju lutem që nëpërmjet sekretarisë. Sot është data 14 dhe lejen e kemi marrë për datën 13
(Ilir Beqaj hyn në sallë së bashku me avokatin dhe u drejtohet anëtarëve të komisionit të opozitës)
Albana Vokshi: Kush je ti që hyn këtu, dil përjashta. Grada Policia urgjent të kthejë Ilir Beqajn në qelinë e burgut tani. Dhe guxon të hyjë në atë mënyrë në sallë, urgjent tani, ta fusin në furgon dhe ta kthejnë
Ina Vokshi: Vjen këtu dhe kërcënon deputetët. Na kërcënon neve se çfarë do të themi
Albana Vokshi: Jo me vendim Komisioni, tani shkoni thuaji. E kam liruar që në orën 12 dhe e kemi mbajtur peng aty.
Guxon ai dhe vjen e kërcënon, si nuk flisni asnjëri prej jush.
Edmond Spaho: Ndërprisni mbledhjen, policia ta marrë urgjent. Të kërkohet masë edhe avokatin, gangster, që hyri këtu si trim.
Albana Vokshi: Ty si nuk të vjen turp më, ty dhe gjithë të tjerëve( i drejtohet deputetëve të PS)
Ilir Metaj flet nga vendi
Albana Vokshi: T’i mos guxo të ma bësh mua ashtu. Ki kujdes, se po e tepron, Të vijë turp ty dhe të gjithëve që nuk reagoni.
Futet këtu ai që duhet të ishte me pranga dhe kërcënon deputetët e opozitës. Turp t’iu vijë
Mendon se është i lirë, por nuk është i lirë ai. Nuk është i lirë të bëjë çfarë të dojë, duhet të ishte mbyllur në një sallë, të mos takonte askënd këtu.
Vetëm kur ta thërrisnim neve të vinte këtu. Të guxojë Ilir Beqaj të futet dhe të kërcënojë deputetët e opozitës është skandal.
Askush nga ju nuk guxon as të flasë
Flet sërish Ilri Metaj nga vendi
Albana Vokshi: Pusho, pusho ti, hesht. Ik ore ti
Ilir Metaj: Boll tani, respekt. Se kemi duruar boll
Albana Vokshi: Po kërcënon?
Ilir Metaj: Ty s’kam çfarë të bëj
Albana Vokshi: Çfarë kujtoni ju, ec merr një dajre në dorë dhe një fyell.
Ilir Metaj: Ti nuk je koshiente se çfarë flet
Ina Zhupa: Edhe sikur të ishte dëshmitar si gjithë të tjerët, asnjë nuk lejohet të hyjë këtu pa lejen tonë, as më tepër të kërcënojë deputetët. Ai duhet të ishte i monitoruar nga policia, hyri këtu dhe kërcënoi pse thamë që duhet të zbatojë ligjin.
Kërkoni që ta mbroni, dhe s’kërkoni të çohet andej nga erdhi. Ju Guxoni ta lini Ilir Beqjan të livadhisi i lirë në Kryesinë, pa pyetur për policie e gardë, dhe të kërcënojë deputetët vetëm sepse e pa që nuk ka kamera. Po ne kemi celularët, dhe ne nuk lejojmë që të kërcënohemi jo nga një i burgosur por as nga Edi Rama, e kushdo që ju komandon juve e ta ktheni këtë Kuvend në han pa porta
Albana Vokshi: Shkova vetë sepse nuk guxon sekretaria, shkova i thashë personelit të burgjeve që ta largonte urgjentisht nga ambientet e Kuvendit.
Të guxojë një dëshmitar, jo më ky, të hyjë e të kërcënojë deputetët. Çfarë duhet të ndodhi këtu.
Nuk besoj se mund ta vazhdoj më këtë mbledhje, nesër do të ftoja Kryesinë e Komisionit, që të mblidhemi të bëjmë shkresat përkatëse që t’ia dërgojmë të gjithë institucioneve, ti tregojmë skandalin më të madh që ka ndodhur. Mbledhje më këtu nuk vazhdohet pas kësaj që ka ndodhur
Plarent Ndreca: Mbledhjen nuk mund ta mbyllini ju,
Albana Vokshi: Mbledhja është e mbyllur
Discussion about this post