Ilir Beqaj, ish-ministër i Shëndetësisë, ndaj të cilit kanë nisur hetimet për koncensionin e sterilizimit, por edhe mbi pasurinë u paraqit pasditen e sotme në SPAK.
Ndaj Beqajt janë vendosur masat e sigurisë detyrim paraqitje, çdo të premte, dhe ndalim të daljes jashtë vendit.
Paraqitja e Beqajt në SPAK është kthyer në një process rutinë, ndërsa ai ka zhvilluar tre seanca të gjata pyetjesh me prokurorët e SPAK lidhur me sterilizimin.
Në një prononcim të shkurtër për mediat, Beqaj tha se dihet tashmë që çdo të premte jam në SPAK, ndërsa shtoi se oficeri i BKH i ka konfirmuar se ditën e martë do të marrë hard diskun, që i ishte sekuestruar ish-ministrit të Brendshëm gjatë një kontrolli që iu zhvillua në banesë pak javë më parë. Beqaj e ka cilësuar këtë hard disk si të domosodoshëm për të dhënë shpjegimet e tij lidhur me koncensionin e sterilizimit.
Nuk dihet se si do të vijojë procesi i hetimeve ndaj ish-ministrit të Ramës, por sipas raportimeve, SPAK po heton edhe një prej institucioneve që Ilir Beqaj drejtoi, SASPAK.
Discussion about this post