GJKKO nuk ka pranuar të ndryshojë masën e sigurisë për presidentin e Partisë së Lirisë, Ilir Meta.
Ai do të vijojë të qëndrojë nën masën e ‘arrestit me burg’.
Kërkesa e paraqitur nga mbrojtja e Metës synonte zëvendësimin e masës së “arrestit në burg” me një masë më të butë sigurie.
Ndërkohë, një ditë më parë, Metës iu pranua kërkesa për të lënë kafazin e qelqtë dhe të qëndrojë pranë avokatit të tij gjatë seancës.
Ilir Meta mbahet në paraburgim që prej tetorit të vitit 2024 dhe përballet me akuza për korrupsion në lidhje me aferën CEZ-DIA, kontratën lobuese të LSI-së në Shtetet e Bashkuara, si dhe për pastrim parash e fshehje pasurie.
Discussion about this post