Gjatë një takimi me gratë e Partisë së Lirisë në Tiranë, kryetari i kësaj force politike, Ilir nuk la pa ironizuar edhe nismën e kryeministrit Rama për hapjen e basteve. Meta tha se dikur na thoshin që i ndalon edhe kurani. Gjatë fjalës së tij, ish-Presidenti u ndal tek lufta kundër korrupsionit, që siç u shpreh ai është vendimtare për të forcuar familjen shqiptare dhe për të mbështetur gruan. Meta u shpreh se tashmë nuk është koha për të bërë eksperimente me Shqipërinë.
“Lufta ndaj korrupsionit është luftë vendimtare, është një luftë e rëndësishme për të forcuar familjen shqiptare dhe për të mbështetur gruan shqiptare. Të bëjmë çdo gjë për të mbështetur gratë, për të mbështetur nënat, vajzat, të bëjmë çdo gjë për të mbështetur pjesën më të rëndësishme të shoqërisë tonë. Tani duan të na kthejnë edhe bastet, që dikur na thoshin që i ndalonte edhe kurani. Tani është një situatë tjetër. Nuk është koha për të bërë eksperimente me te ardhmen e vendit. Vendi ka nevojë për përgjegjshmëri, për lidership për llogaridhënie dhe ka nevojë të rimarrë në duart kontrolloni e vendit dhe të fateve Prandaj edhe PL ka kryefjalë garantimin e ushtrimit të referendumit që do ti japë fuqinë që i është rrëmbyer padrejtësisht cdo qytetari. Kjo do të jetë rruga e vendosjes së kontrollit mbi parlamentin, qeverinë dhe cdo institucioni. Kështu garantojmë një Shqipëri më sociale” – tha ndër të tjera Ilir Meta.
Discussion about this post