Ilir Meta, spiun i sigurimit? Spartak Braho: Mëkatet e rinisë për pushtet

Ish-deputeti i PS-së, Spartak Braho i ftuar në “Top News”, ka folur për dosjen I. M që implikon drejtëpërdrejtë kreun e P.L, Ilir Meta.

Meta duke analizuar rininë e Metës tha se në rrethet e afërta njihej si një njeri me ambicie për politikë, arrivist dhe i papërmbajtur.

“A ka gjynahe Ilir Meta? Në rini, ai ka qenë një njeri me ambicie për politikë, arrivist, i papërmbajtur.“-tha Braho.

Sjellim në kujtesë që, opinioni publik u trazua muajt e fundit nga një shkresë që Autoriteti i Dosjeve i dërgoi Kuvendit të Shqipërisë, ku theksonte se ish-presidenti Ilir Meta figuron në dokumentet e ish-Sigurimit të Shtetit, duke nënkuptuar se ai ka qenë bashkëpunëtor i këtij shërbimi të fshehtë komunist.

Në reagimin e tij, kreu i PL-së, Ilir Meta mohoi akuzat, ndërsa u shpreh se Rama po bën shantazh me publikimin e dokumentit nga Autoriteti i Dosjeve sipas së cilës ai figuron në dosjet e sigurimit të shtetit.