Një hatërmbetje është përfolur brenda shtëpisë së BBV, që ka të bëjë me Ilirin dhe Eltion Merjen.
Eltioni tregojë një situatë të ndodhur në vitin 2011, ku Iliri nuk e kishte ndihmuar gjatë një konkursi në Itali.
Nga ana tjetër Ilir Shaqiri u shpreh se Merja me siguri nuk kishte bërë një performancë të mirë, ndaj nuk e ka përzgjedhur, dhe tregoi se shqiptarët në Itali i ka ndihmuar sa herë ka pasur mundësi, duke përmendur dhe emra.
Ndër emrat që balerini dhe koreografi përmendi ishte edhe Kimberly Beu, për të cilën ai tha se e ka ndihmuar shumë dhe ende e mban si asisteten e tij personale dhe krahun e tij të djathtë.
Kjo e fundit ka reaguar me anë të një postimi në Instagramin e saj, ku ka treguar ndihmën e madhe që Ilir Shaqiri i ka dhënë për të ndjekur ëndërrën e saj, madje e ka quajtu dhe maestro. Për sa i përket deklaratave të Eltion Merjas kundër tij ajo ka shkruar se nuk gjendet me ato deklarata dhe se ai “ka hedhur baltë” mbi Ilir Shaqirin.
“Përshëndetje, jam Kimberly Beu balerina dhe asistente e Ilir Shaqirit. Ata që më njohin e dinë sa e reservuar jam si person e nuk do ta kisha bërë kurrë një post për një person, por e bëj për atë që për mua eshtë ai që ka berë të mundur endrrën time si balerinë, udhëndjekësi dhe mësuesi im në ndjekje të kësaj ëndrre. Një person i pastër në shpirt, profesionist në punën e tij. Nuk gjendem me atë që i thanë që nuk ndihmon shqiptarët e tij e hodhën baltë mbi të.
Unë jam shqiptare dhe shkruaj për të vertetuar atë që tha maestro Ilir për atë që ai bën për shqiptaret e tij. Më ka ndenjur gjithmon pranë si nga ana profesionale dhe nga ana private e kam nderin që jam rritur me të profesionalisht e që jam asistentja e tij kudo që shkon. Maestro Ilir nuk ka nevojë për t’u mbrojtur sepse e dimostron(tregon) çdo ditë personin fantastik që është por unë u ndieva e detyruar nga ana ime ta bëj këtë post për një person që e meriton. Faleminderit për gjithçka Ilir Shaqiri“, ka shkruar balerina.
Discussion about this post