Mbrëmja e djeshme ka pasur debate dhe diskutime të forta brenda shtëpisë së Big Brother Vip. E sikurse jemi mësuar, Iliri dhe Donaldi janë protagonistë.
Temë ka qenë aktorja Monika Lubonja, e cila në fillim ka pasur marrëdhënie shumë të mira me Ilirin. Mirëpo kohët e fundit ajo ka vendosur të distancohet nga Iliri dhe kalon shumë kohë me banorët e tjerë, në veçanti me Donaldin.
‘’I dole kundër sepse nuk të zgjodhi, ja pra që ajo të zgjodhi dhe ta mbylli gojën’’,- tha Donaldi.
Kaq mjaftoi që Iliri të revoltohej dhe t’i shprehte aktorit se është i vetëdijshëm që po përpiqet të afrojë Monikën në grupin e tij.
‘’Unë e di shumë mirë se çfarë po përpiqesh të bësh. Ke dashur ta afrosh Monikën me lojrat e tua dhe ta bësh pjesë të grupit tënd. Unë kam qenë i pari që kam qeshur me to por qëllimi juaj ka qenë tjetër gjë’’,- tha Iliri.
Discussion about this post