Mbrëmë u mbajt nata e parë e javës së pestë në shtëpinë më të famshme në Shqipëri, “Big Brother VIP”, kjo natë ishte e mbushur me sqarime, diskutime, përballje, lot dhe surpriza.
Këngëtarja kosovare, Filloreta Raçi e njohur me emrin e artit “Fifi” u sqarua për problemet e mëhershme me këngëtaren Semi Jaupaj.
Ndërsa, raporti mes Fifit dhe balerinit, Ilir Shaqiri është ftohur ndjeshëm ditët e fundit dhe për këtë gjë dyshja kanë vendosur të sqarohen pas përfundimit të spektaklit.
‘’Kur kam parë reagimin tënd përsa i përket Arditit kam thënë se hall të jesh mik me Fifin hall të jesh armik. Është njësoj si t’ia bëja unë Sabianit këtë gjë’’,- tha Iliri.
Nga ana tjetër Fifi pranoi se është distancuar nga Iliri për shkak të disa dyshimeve që ka shfaqur ai lidhur me aleancat që këngëtarja po krijon në shtëpi.
‘’Në një klip kam parë që ke pyetur se me cilin grup jam unë, dhe mua kjo më ka mërzitur. Gjithashtu ka pasur disa gjëra për Granitin që ndryshe m’i ke thënë mua dhe ndryshe kanë dalë gjatë spektaklit’’, tha Fifi.
Ajo shtoi se e gjitha ishte pjesë e një provokimi për të parë se si do të reagonte Iliri.
Discussion about this post