Ilir Shaqiri, fituesi i edicionit të parë të “Big Brother Vip” këtë herë ka folur për “vështirësitë” e të qëndruarit brenda shtëpisë më të famshme. Duke u shprehur se ka nostalgji Iliri tregon se në shtëpi ishte një shoqëri e sforcuar e detyrueshme, që do apo nuk do, duhet që të qëndrosh me ta.
“Nuk u futa në lojë, kam qenë gjithmonë. Aty ishte një shoqëri e forcuar, e detyrueshme, në një ambient që do apo nuk do, edhe me ato njerëz që nuk do kishe komunikim. Doli ajo që thosha gjithmonë, që Donaldi është djalë kreativ, por kishim pikëpamje të ndryshme. Nuk mendoja se do kisha komunikim me të jashtë”, tha balerini.
I pyetur se pse publiku e ka parë duke qeshur rrallë dhe Iliri tha: “Jam person shumë alegro, më pëlqen të jem mirë dhe të jenë mirë njerëzit që më rrethojnë. Por aty brenda për një kohë ndodhi e kundërta. Kishte çdo prime diskutime të forta. Momentet me Sabianin kanë qenë të kufizuara, më shumë qanim hallet. Nga mesi i janarit e deri kur mbaroi kam qenë më mirë. Edhe banorët e rinj më dhanë pak oksigjen”.
Balerini i njohur më herët është shprehur se me çmimin e madh ka planifikuar projekte që do e mbajnë të lidhur me atdheun e tij Shqipërinë.
Discussion about this post