Fituesi i BBV, Ilir Shaqiri, ka komentuar lojën e Donaldit brenda shtëpisë. Ai ka thënë gjatë një interviste televizive se, një nga arsyet pse Donald e fitoi çmimin e parë ishte pikërisht krisja e marrëdhënies së tij me ish të dashurën Bora Zemanin.
Ai tha se gjithmonë ka dashur t’i komunikojë atij se duhet ta kishte mbajtur ar atë që kishte me moderatoren e “Për’puthen”, por është tërhequr për të mos ndërhyrë në punën e aktorit. “Në qoftë se Donaldi do të kishte qenë inteligjent dhe ta kishte fokusuar veten në situatën me Borën, unë mendoj që do të fitonte. Nuk ndërhyra në raportin e tij me Beatrix sepse nuk kam dashur të interferoj në një lidhje. Donaldit ia thashë që mund ta kishte zhvilluar, mbajtur, interpretuar deri në fund atë që nisi me Borën, por nëse do ta kishte bërë mendoj që publiku do i kishte dhënë atë çmimin që aq shumë dëshironte”, tha ai.
Më tutje Iliri tha se ai nuk e ka mbështetur kurrë lidhjen e Donaldit me Betraixën, pasi nuk beson në lidhjet e krijuara brenda një loje. Sakaq, ai tha se krisja mes çiftit filloi në momentin që Trixa doli nga BBV.
“Për sa i përket lidhjes me Trixën, nuk e kam mbështetur sepse nuk mbështes dashuritë që nisin brenda shtëpisë. Por kam shprehur që si ndjesi shikoja një Beatrix super të dhënë, një Donald shumë të ëmbël në drejtimin e saj dhe nuk kam dashur ta komentoj sepse duke goditur, përdorur, shfrytëzuar këtë lloj situate, do të kisha dëmtuar vetveten. Kjo mund të ketë qenë një lloj strategjie që duke mos komentuar lidhjen Donald-Beatrix, u gjenda jashtë komenteve, por në sytë e tyre unë shikoja alkimi. Me daljen e Trixës nisi një lloj krisje. Beatrix është një person shumë i dashur që jepet, Donaldi e kishte mendjen më shumë te loja se te dashuria”, u shpreh balerini i dashur për publikun. Kujtojmë se Ilir kanë qenë dy nga kundërshtarët më të fortë në BBV dhe në fund mbetën të dy në finale, ku triumfoi Iliri.
Discussion about this post