Ilir Shaqiri në një betejë “kokë më kokë” me aktorin e humorit Donald Veshaj ka arritur të shpallet fitues i çmimit të madh të “Big Brother VIP Albania”.
Për fitoren e tij nuk kanë shkruajtur vetëm mediat shqiptare, por edhe ato italiane. Emri i tij tërhoqi vëmendje në Itali pasi jo vetëm sepse balerini ka një karrierë të gjatë në atë vend, por dhe prej ish-aktores, Emanuela Morini, bashkëshortes së Ilirit.
Mirëpo në një prej artikujve shkruhet se në fakt Iliri nuk do të marrë 100.000 euro nga çmimi i madh, kjo sepse vetë balerini ka vendosur të jap 50% për bamirësi për fondacionin “Dritan Hoxha”.
“Ish balerini i ‘Amici’ dhe ‘Buona Domenica’ i dhuron 50% të fitimit fondacionit ‘Dritan Hoxha’.”- shkruhej në artikullin në fjalë.
Një veprim i tillë nga ana e balerinit është një vlerë e shtuar për të si njeri dhe artist por edhe për vendin tonë që e ka. Kujtojmë se Donaldi ka shprehur hapur dëshirën se do të ndërtojë 4 banesa dhe në këtë sfidë ka ftuar edhe Ilirin për kontribut.
“Në Itali, Ilirin e njohim falë Maria De Filippi. Balerini profesionist ka marrë pjesë në programe mjaft të suksesshme si “Amici ” dhe “ Buona Domenica”. Për ta lidhur me vendin tonë nuk është vetëm e kaluara e tij artistike, por bashkëshortja e tij, ish-aktorja Emanuela Morini, e cila mori pjesë në finale. Ajo bërtiste nga gëzimi në momentin e shpalljes së fitores dhe gjithashtu vajza e tij, Emily e cila po ndjek gjurmët e prindërve”, kanë shkruajtur ndër të tjerash mediat italiane.
Balerini reagoi pas fitores duke thënë se kurrë më parë nuk kishte provuar kaq shumë emocione.
“Kurrë më parë nuk kisha provuar kaq shumë emocion për të shkruar një post dhe ku nuk gjej dot fjale për të përshkruar dimensionin e këtij emocioni qe me dhuruat me votat tuaja. Ju ndjej njerëz të mi dje, sot e mot! Jemi 1 dhe do festojmë shume suksese te tjera bashke. Faleminderit nga zemra, Ju dua”, shkroi Iliri.
Discussion about this post