“Një konkurrente shumë origjinale, popullore”. Kështu u shpreh fituesi i “Big Brother VIP” Ilir Shaqiri për Beniada Nishanin, teksa ishte i ftuar ditën e sotme në emisionin “Breaking” në Top News.
I pyetur se kur ishte momenti që ai e kuptoi se Beniada do të ishte pjesë e katër finalistëve, balerini i njohur u shpreh se imazhi i një emigranteje që ka probleme të vogla me të shprehurin si dhe humori që ajo përcillte e bën atë të ishte e pëlqyer nga publiku dhe të jetë pjesë e finales.
“Me imazhin e një emigranteje që ka problemet e vogla me të folurin, krijuan atë që është Beniada. Në fund të dhjetorit e mendova në finale dhe në janar isha i bindur për këtë gjë. Madje mendoja se mund të dilte edhe në dyshen e fundit. Po kuptoja se ishte e dashur në publik që nga memet apo edhe kënga që i bëri Poni”.
Kujtojmë se, balerini i njohur Ilir Shaqiri u shpall fitues i çmimit të madh prej 100 mijë euro në “Big Brother VIP”.
Discussion about this post