Pas aferave të shtrenjta për infrastrukturën zgjedhore për 14 majin, kreu i KQZ-së Ilirjan Celibashi ka nisur të bëjë shpenzime “të vogla” postzgjedhore. Këtë herë ai ka planifikuar të blejë laptopë, por tenderi ka ngecur në Komisionin e Prokurimeve Publike. Duhen ca laptopë urgjent tek KQZ-ja sepse është verë dhe stafi mund të punojë edhe nga shtëpia apo nga shezlonget! Bëhet fjalë për tenderin me numër reference me Nr. REF-70789-05- 29-2023 dhe me objekt: “Blerje pajisje elektronike”, konkretisht laptop.
Për këtë tender Celibashi ka planifikuar të shpenzojë 78 milionë lekë. Këtë fond ia ka dhënë pa garë fare firmës “PC Store” SHPK, në pronësi të Vitator dhe Elton Mehmetit. Kjo njihet si një nga firmat që përfiton tenderë e pajisjeve elektronikë nga institucionet shtetërore (pa u lodhur fare, kontratat u shkojnë në tavolinë të firmosura). 
Denoncimi
Edhe në këtë procedurë prokurimi nuk ka ndodhur ndryshe! Por, këtë herë afera e Mehmetit dhe Celibashit është denoncuar. Sipas të dhënave të Komisionit të Prokurimeve Publike, firma “BNT Electronics” ka dorëzuar ankesën më datë 29 qershor 2023 pranë KPP, por edhe pranë KQZ. Sigurisht që Celibashi e ka anashkaluar këtë ankesë, sepse fituesi është paracaktuar Ndërkohë ankimuesi kërkon të rrëzohet vendimi i KQZ-së, që ka shpallur në shkelje të ligjit “PC Store” SHPK si fituese.
“Në datën 29.06.2023 nëpërmjet Sistemit të Ankesave Elektronike pranë autoritetit kontraktor dhe njëherazi pranë Komisionit të Prokurimit Publik, është administruar ankesa me numër ankimi elektronik A/2023/3212 dhe me nr. 1492/2023 prot., datë 29.06.2023 e operatorit ekonomik “BNT Electronics” SHPK.
Nga shqyrtimi paraprak i ankesës të sipërcituar, u konstatua se objekti i ankesës lidhet me vendimmarrjen e Komisionit të Vlerësimit të Ofertave mbi kualifikimin e ofertës së paraqitur nga operatori ekonomik “PC Store” SHPK”, thuhet në dokument.
Konkretisht në ankesën e “BNT Electronics” ngrihen pretendimet se “PC Store ” SHPK nuk përmbush disa kërkesa kryesore. Duke përmendur se fituesi nuk ka paraqitur Autorizimin e Prodhuesit ose distributorit të autorizuar për këtë procedurë prokurimi për pajisjet. Kriter ky i rëndësishëm, i përcaktuar nga vetë KQZ, por për “PC Store” SHPK” e ka anashkaluar.
As firma në fjalë dhe as KQZ nuk kanë dhënë një shpjegim mbi këtë mangësi, duke treguar qartë që edhe laptopët u blenë në mënyrë abuzive nga Celibashi. Ndërsa tani pritet për t’u parë vendimi që do të japë KPP, e cila duke parë se KQZ e ka bërë “baltë” me tenderët, i ka anuluar kohët e fundit disa tenderë me vlerë qindra milionë lekë!
Lexo edhe: Denoncimi/ Celibashi, tender 18 milionë lekë për bexhat e KQZ-së!
Discussion about this post