Ish-ministri dhe deputeti i PD, Arben Imami ka komentuar ngjarjet e fundit politike në vend, ku ka vendosur theksin tek ”lufta” Basha-Berisha.
Imami ka akuzuar Bashën për situatën në të cilën ndodhet partia duke përmendur se ky i fundit ka pësuar vetëm humbje. Shumë figura politike janë larguar nga e djathta në mënyrë të njëanshme të tij.
Ndër të tjera ai pohon se dhe ish-kryeministri Berisha bënte largime, por ndodhnin nëpërmjet votës.
Ish-ministri ka folur gjithashtu dhe për kandidimin për kryetar partie, ku ka thënë se nuk do ta bënte diçka të tillë.
“Jo. E di pse? Nuk është e shëndetshme për partinë. Nëse Sali Berisha çon Kongresin e partisë dhe ka 67% të partisë, unë mund të vendos të kandidoj por nuk mund të bëhem kryetar partie kur dikush tjetër ka 70%,” ka thënë Imami.
Në një farë mënyre ai ka shprehur dhe mbështetjen për ish-kryeministrin i cili po tenton rikthimin në krye të PD-së.
“Berisha është shumë vonë, por është e vetmja rrugë”, ka përfunduar Imami
