Ditën e premte Komiteti Teknik i Ekspertëve vendosi vaksinimin e moshës mbi 16 vjeç si dhe të fëmijëve të moshës 12 deri në 15 me rekomandim të mjekut pediatër për ata me sëmundje autoimune apo kronike. Por ky vendim nuk është pritur dhe aq mirë, pasi shume mjek mendojnë që ndikon negativisht vaksinimi te këto mosha.
Së fundmi edhe mjeku imunolog, Arban Domi është shprehur kundër këtij vendimi. Sipas tij, se ky vendim nuk duhej marrë, pasi nuk dihen ende efektet anësore afatgjata që mund të shkaktohen dhe se deri më tani është parë që infektimi tek kjo grupmoshë nuk ka mortalitete.
Ai ka treguar se, një studim i zhvilluar nga ekspertët francez tregonte fakte që vaksnimi te adoleshentët nuk shërben për mirë, pasi i bën ata më pak imun, në vend që t’i mbrojë nga virusi.
Ndërsa mjeku imunolog, Erion Dasho, shprehet pro vaksinimit të këtij target grupi, pasi sipas tij, studimet tregojnë efektivitet të lartë dhe shumë vende e kanë aplikuar. Nga data 1 nëntor pritet të nisë vaksinimi i këtyre moshave, por ende nuk dihet nëse do të ketë kundërshtime nga prindërit, apo penalizim për moshat 16-18 vjeç për të vazhduar aktivitetin normal në shkollë.
