Imzot Angelo Massafra uron besimtarët myslimanë për Kurban Bajramin

Besimtarët myslimanë festojnë sot Kurban Bajramin.

Një mesazh urimi në këtë ditë të shënuar për besimtarët ka ardhur edhe nga Imzot Angelo Massafra ,i cili u drejtoi një mesazh shprese të gjithë besimtarëve myslimanë.

“Në emër të besimtarëve katolike ne Shqipëri Ju uroj për festën e ‘ID AL-ADHA, Kurban-Bajramit.

Festa e sotme kujton provën e fesë që pati Abrahami, i cili për të dëshmuar fenë në Hyjin ishte i gatshëm për të flijuar djalin e tij.

Por Hyji e shpërbleu duke zëvendësuar djalin me një qengj. Kurbani i vërtetë, si flijmi i Abrahamit, është zbatimi i vullnesës se Zotit, është respekti i të drejtave njerëzore të lirisë së fesë, është besimi ndaj tjetrit, si na ka dëshmuar Abrahami, Ati ynë i përbashkët në fe dhe një nxitje pēr solidaritetin ndaj të tjerëve.

Duke ju lutur Zotin për juve, ju uroj:

Për shumë vjet Kurban Bajramin” thuhet në mesazhin e Imzot Angelo Massafra, drejtuar kreut të Komunitetit Mysliman Shqiptar, Bujar Spahiu.