Deputetja e zgjedhur, Ina Zhupa ka reaguar nëpërmjet një statusi në rrjetin social “Facebook”, pas takimit që kryedemokrati Lulzim Basha, ka zhvilluar me qytetarët në Sarandë.
Zhupa thotë se Basha u mirëprit nga demokratët e Sarandës, ndërsa bëri me dije se lideri i opozitës premtoi se momentin më të errët të përballjes së opozitës, me shtetin që sipas tij ka kapur të gjitha institucionet, Partia Demokratike është gati ta kthejë në një fuqi goditëse për regjimin.
“Mundi dhe sakrifica e demokratëve nuk do të shkojë dëm. Masakra zgjedhore e ndali përkohësisht aspiratën e shqiptarëve për ndryshim. Bashkë do ta bëjmë atë realitet! Pas 25 prilli, 13 qershori është një moment i rëndësishëm për të treguar që ne që ju dolëm për zot shqiptarëve në momentin më të errët prej kohësh të përballjes së opozitës pa asnjë pushtet me shtetin me të gjitha pushtetet, ne nuk jemi rrëzuar dhe zemëratën tonë jemi gati ta kthejmë në një energji, në një fuqi goditëse për regjimin”, është shprehur Basha, shkruan deputetja Ina Zhupa në rrjetin social “Facebook”.
