Presidenti i Serbisë, Aleksandër Vuçiç fton biznesmenët shqiptarë dhe të Maqedonisë së Veriut që të jenë pjesë e qendrës së biznesit në Dubai. Këtë ofertë, ai e bëri ditën e djeshme teksa ishte në inagurimin e qendrës serbe të biznesit e cila u hap si pjesë e Ekspozitës më të madhe Botërore EXPO 2020 në Dubai.
“Unë i bëj thirrje përfaqësuesve të Maqedonisë Veriore dhe Shqipërisë që biznesmenët e tyre të përdorin hapësirën e qendrës së biznesit të Serbisë në Dubai, në mënyrë që ata të mund të ftojnë biznesmenët e vendeve të tyre që të flasin me njerëzit e Emirati dhe të tjerët si të ishin të tyre. Ne nuk kemi asnjë problem me këtë“, tha Vuçiç për ‘TV Prva’.
Biznesi u hap në kuadër të Ekspozitës më të madhe Botërore EXPO 2020 në Dubai.
