Kreu i Partisë Demokratike Lulzim Basha mbajti ditën e sotme një deklaratë për shtyp, e cila është dhe e fundit për këtë viti. Gjatë fjalës së tij ai e cilësoi vitin 2021, si të mbrapshtë për shqiptarët, ndërsa u ndal të fliste dhe për ngjarje të bujshme që kanë përfshirë vendin gjatë këtij viti, duke nisur që nga zgjedhjet parlamentare të 25 prillit, të cilëve iu referua si masakër elektorale dhe deri tek afera e inceneratorëve.
“Të vërtetat sikur i kanë përjetuar shqiptarët dhe familjet shqiptare. Natyrisht të ndajmë edhe shpresën, besimin dhe urimin, që ky vit kaq i mbrapsht për shumicën të mbetet pas dhe bashkë me vitin e ri të nisë një rrugë dhe një shpresë e re për shqiptarët. Nuk kam ndërmend të bëj një kronologji të vitit. Shumica e kanë të gdhendur në mendjen. Por dua ta nis me atë që u kthye në kryefjalën e komunikimit publik, afera e këtyre 30 viteve, inceneratorëve” u shpreh ai.
Sipas tij ish-ministri Lefter Koka, tanimë i arrestuar, nuk është i vetmi i përgjegjës në këtë aferë, të cilën Basha thekson se PD-ja e ka denoncuar vazhdimisht përmes fakteve.
“Para pak ditësh një ministër i Edi Ramës u arrestua dhe ndodhet në pranga për këtë aferë. Nga kjo sallë dhe të tjera. Nga cdo ambient, prej vitesh PD dhe unë, kemi denoncuar me fakte sesi qeveria e Ramës me në krye Ramën e konceptoi, e zbatoi dhe përfitoi financiarisht dhe politikisht nga kjo aferë” tha ai.
Ai shtoi se mbrojtja e kryeministrit Rama ndaj kësaj afere korruptive ka marrë përmasa groteske dhe se kjo e ka nxjerrë zbuluar se është bashkëpërfitues dhe i pandehur në këtë aferë.
“Avokatia e Ramës ndaj incineratorëve ka marrë një përmasë groteske. Një javë para arrestimit të Lefter Kokës, në PD kanë mbërritur kallëzime penale kundrejt PD-së. Këtu nuk kemi të bëjmë me një njeri të vetëm, por kemi të bëjmë me një trupë të tërë qeveritare. Avokatia që e Rama i ka bërë incineratorëve e ka nxjerrë zbuluar se është bashkëpërfitues dhe i pandehur në këtë aferë. Arrestimi i një ministri të Ramë është provë e qëndresë tonë për të mbrojtur një kauzë mbi 400 milionë eurosh të shqiptarëve” tha Basha.
Discussion about this post