Kreu i Partisë Demokratike, Lulzim Basha, ka thelluar sot akuzat për inceneratorët dhe ka paralajmëruar se më shumë të vërteta do të zbardhen. Përmes një postimi në rrjetet sociale, Basha publikuar disa pamje ku vetë ai dëgjohet të denoncojë këtë aferë korruptive që në nëntor të 2017. Kryedemokrati shprehet se koha i ka dhënë të drejtë denoncimeve të tij dhe tani po dalin faktet
Ashtu siç bëri ditën e djeshme, Basha hodhi akuza të forta ndaj kreut të qeverisë, duke thënë se Edi Rama qëndron pas të tre aferave për inceneratorët, në Elbasan në Tiranë dhe në Fier. “Për vite me radhë @pdshqiperi ka denoncuar aferën mafioze të inceneratorëve, ndërsa zbatuesit e kësaj skeme e mbrojtën me çdo mjet e formë plaçkën 430 milionë euroshe me taksat e qytetarëve shqiptarë. Koha na dha të drejtë! Koha në dha të drejtë! Lufta kundër korrupsionit është jetike për Shqipërinë, pa rezultate konkrete kundër këtij armiku të mirëqenies së qytetarëve asgjë nuk mund të ndryshojë”, shkruan ai.
Ndërsa ka publikuar edhe videon e Ramës ku pranon se e ka mbështetur këtë projekt që ditën e parë kur e kemi votuar në Këshillin e Ministrave.
1/2 Për vite me radhë @pdshqiperi ka denoncuar aferën mafioze të inceneratorëve, ndërsa zbatuesit e kësaj skeme e mbrojtën me çdo mjet e formë plaçkën 430 milionë euroshe me taksat e qytetarëve shqiptarë. Koha na dha të drejtë! pic.twitter.com/pPN2YiRFnO
— Lulzim Basha (@lulzimbasha_al) December 16, 2021
Discussion about this post