Gazetari investigativ Artan Hoxha ka bërë së fundmi një deklaratë të fortë. Ai u shpreh se SPAK ka kërkuar një urdhër arresti për një kryebashkiak përsa i përket aferës së inceneratorëve.
Por, sipas Hoxhës, kjo nuk është firmosur nga Gjykata e Posaçme.
Gazetari e ka cilësuar këtë si një dështim të SPAK, që solli edhe një shfryrje të hetimeve.
Lexo edhe: Inceneratori i Fierit, SPAK lëshon 11 urdhër arreste
“Aktualisht jemi tek Fieri akoma, pra tek inceneratori i dytë. Fieri ka marrë një pagesë për vitin 2022 dhe e ka marrë brenda muajit gusht. Janë paguar 3.1 milion euro për Fierin dhe i kanë marrë paratë.” Për Fierin, prokuroria tentoi të bënte një goditje më lart. U tentua lëshimi i një urdhër arresti për një kryetar bashkie por nuk u miratua nga Gjykata. Nuk u firmos urdhri i Prokurorit.
Por të ishte miratuar, hetimet për inceneratorin e Tiranës do merrnin rrjedhje tjetër. SPAK dështoi me këtë tentativë. 128 milion euro është pagesa për Tiranën. Ndërsa për Fierin nuk u shkua dot më lart me hetimet. Që nga 2018 janë paguar 86 milion euro. Kemi dy incenerator por i treti nuk ekziston. Kemi një histori me zhurmë dhe pa një proces gjyqësor” tha më tej Hoxha.
Discussion about this post