Deputeti i Partisë Demokratike, Belind Këlliçi në një deklaratë për mediat u ndal te afera e inceneratorëve, për të cilën akuzoi drejtëpërdrejtë kryeministrin Edi Rama. Këlliçi tha se qeveria e Ramës përdori edhe firmat e të vdekurve për të pastruar paratë, duke përmendur si rast emrin e Gjyste Sermit.
“ Shqiptari e ka zakon që pas vdekjes së të afërmit shlyen çdo borxh që mund t’i ketë të ndjerit. Qeveria pasi rriti borxhin për të gjallët, nuk lë të qetë as të vdekurit. Makinacionet e njerëzve të lidhur me inceneratorët në përpjekje për të pastruar paratë kanë përdorur firmën e Gjyste Sermit dy herë kur ajo ishte në prag të vdekjes dhe tre herë pas vdekjes. Janë bërë disa veprime në emër të saj edhe pse në gjendje civile rezultonte e vdekur. SPAK të dalë nga letargjia dhe të ndjekë paranë. Duhen ndalur ata që babëzia e tyre nuk ndalet para asgjëje. Ka ardhur koha t’i themi boll grabite, ik, largohu kësaj qeverie të vdekjes”, ka thënë Këlliçi.
Discussion about this post