Monika Kryemadhi, deputete e Partisë së Lirisë, nga foltorja e Kuvendit tha se paratë e shqiptarëve po vazhdojnë të vidhen përmes inceneratorëve.
Kryemadhi akuzoi Kryeministrin Edi Rama si hajdutin më të madh të pasurive të shqiptarëve.
“Edhe pse ky proces po vazhdon të jetë në vëzhgim dhe ne vazhdojmë të paguajmë për depozitimet dhe shumë pagesa të tjera, ajo që të bën përshtypje është se ose është kapur për fyti Edi Rama, dhe kompanitë e inceneratorëve Klodian Zoto, Mërtiri e kërcënojnë ose vazhdo ose në do flasim, por ata nuk janë pronarë.
Klodian Zoto dhe Stela Bugalle kanë bërë ndërtimin dhe kanë marrë paratë, koncesionari i Tiranës merr minimumi 100 mijë euro në ditë, i Elbasanit dhe Fierit duhet të administrohet, edhe pse nuk ka filluar nga puna pasi paketa e djegësave nuk është montuar.
Nuk ekziston shteti i së drejtës, por i vjedhjes dhe hajdutit, ku kryehajduti është Rama. Në mënyrë jo ligjore po vidhen një për një qindarkat e qytetarëve. Të marrësh para borxh për t’ia dhënë mafies së inceneratorët do të thotë se ke mbaruar çdo diskutim me qytetarët”, tha ajo.
Kryemadhi tha se në Fier çmimi i depozitimit të mbetjeve u dyfishua, ndërsa shtoi se Inceneratori i Elbasanit dhe ai i Fierit janë pronë e shtetit.
“Këtu ekziston shteti i vjedhjes. S’ka më nevojë të bëjë firmat si me Tiranën, por i sjell në Parlament, kukullat i ka në Parlament dhe vidhen në mënyrë ligjore një për një qytetarët”, tha ajo.
Discussion about this post