Nënkryetari i Partisë Demokratike, Enkelejd Alibeaj ka reaguar sërish për skandalin e inceneratorëve duke thënë se shqiptarët nuk e besojnë se asnjë aferë nuk bëhet pa miratimin e kryeministrit Rama.
Përmes një videon në Facebook, Alibeaj shkruan se Komisioni Hetimor për inceneratorët ka provuar disa shkelje ku janë të implikuar zv.kryeministri Arben Ahmetaj, ish-ministri Damian Gjiknur, Erion Veliaj dhe Ëngjëll Agaçi ndërsa u provua se si qeveria Rama u vodhi 430 milionë euro shqiptarëve.
“Nga Komisioni Hetimor për Inceneratorët, përditë dalin dëshmitë, se si qeveria Rama u vodhi 430 milionë euro shqiptarëve me aferën e inceneratorëve. Agjencia e Prokurimeve Publike ka njoftuar Ëngjëll Agaçin se procedura për inceneratorin e Elbasanit nuk është ligjore. Ëngjëll Agaçi përgatiti VKM-në dhe kaloi mbështetjen financiare. Koncesioni i inceneratorit të Elbasanit i është dhënë Albtek Energy me “negocim pa shpallje”, procedurë që ligji nuk e parashikon. Arben Ahmetaj jep miratimin për t’i dhënë kompanisë Albtek Energy koncesionin/PPP me “negocim pa shpallje” një procedurë që është në kundërshtim me ligjin”. Koncesioni për inceneratorin e Elbasanit, duke përfshirë incinerimin dhe shitjen e energjisë, ishte për 7 vite. Me firmën e Damian Gjiknurit qeveria i jep një koncesion tjetër pa procedurë, pa garë, Klodian Zotos dhe Stela Gugallias, me 25 vite vetëm për shitjen e energjisë. Punimet në inceneratorin e Tiranës kanë filluar në Janar 2020, kurse pagesat janë bërë qysh prej Prillit 2018″, shkeruan Alibeaj.
Sipaas tij, ka qenë Veliaj që u ka bërë presion ndërtuesve që të gjitha dherat dhe inertet që dalin nga ndërtimet në Tiranë, të shkojnë në landfillin e Sharrës pa një vendim të Këshillit Bashkiak duke i mundësuar inceneratorit të Tiranës të përfitojë 40 milionë euro shtesë.
Gjithashtu, ai përsëriti akuzat e Bashës se Edmond Bllako, babai i deputetit Alqi Bllako, ka qenë i punësuar pranë kompanisë së inceneratorit të Tiranës, me pagë 10 milionë lekë/muaj.
Discussion about this post