Koordinatorja Kombëtare e Luftës kundër Korrupsionet ne Partine e Lirisë, Brisida Shehaj ka bërë publike të tjera fakte që lidhen me aferën e inceneratorëve.
Në një dalje për mediat, ajo tha se faktet kanë të bëjnë me tre kompani, të cilat kanë marrë kredi dhe garanci janë vënë paratë e popullit shqiptar. Sipas Shehajt, kompanitë kanë marrë miliona nga qeveria nën pretekstin e Covid-19 për të paguar punonjësit.
“Bëhet fjalë për tre kompani, e para kredimarrja që ka bërë kompania. Në datën 15 nëntori 2016 kompania merr një kredi 12.2 mln dollarë, por ajo që e bën edhe më të rëndë faktin është se dorëzani për ketë kredi është edhe kompania Albtek Energy, ajo që ka marrë ndërtimin e inceneratorit të Fierit. Është e qartë si këto kompani janë palë të lidhura. Kontrata tjetër është në 2019. Albtek Energy sërish, dhe e vetmja garanci qe kanë këto kompani janë të ardhurat dhe kontratat koncesionare që kanë përfituara nga shteti shqiptar. Pra barra, pengjet, sekuestrimi kalon tek buxheti i shtetit shqiptar. Kontratë kredie tjetër, në 2020, ku kanë marrë kredi duke u bazuar tek VKM për Covidin me garanci sovrane për pagat e punonjësve. Kjo kompani nuk ishte në gjendje të paguante punëtorët, por duhet të merrte kredi dhe garanci janë paratë e popullit shqiptar. Shtator 2020, kompania ITS në vendimin e asamblesë se ortakeve vendos të përfitojë nga riskedulimi i kredive dhe për shkak të Covidit përfiton bazuar urdhrit të kryeministrit dhe guvernatorit. Pika dy, kredia që është marrë për pagat dhe pika 3 është miratimi për marrjen e një kredie prej 3 mln dollarë me afat 5-vjeçar për rimëkëmbjen e aktivitetit me garanci shtetërore sipas VKM 387 te 113 majit 2020”, tha Shehaj.
Discussion about this post