Gjatë dëshmisë së tij në Komisioni Hetimor, Ish-ministri i Financave, Shkëlqim Cani ka bërë një deklaratë të fortë gjatë mbledhjes së Komisionit Hetimor për Inceneratorët. Cani ka renditur tre arsyet pse Ministria e Financave në kohën kur ai e drejtonte ka qenë kundër projektit të Inceneratorit dhe veçanërisht kundër procedurës së ndjekur për to.
“Tre arsye pse ministria e Financave ka qene kundër. Se pari, ne thamë qe ne materialin qe ju keni paraqitur, relacionin nuk jepet argumenti financiar. I themi qe ju nuk jeni bazuar ne ligj lidhur me koncesionet dhe prokurimet publike.
Ky projektvendim ne dijeninë time nuk është miratuar. Sa i takon financimit, koha ecte ose do behej ose nuk do behej. Ishte emergjence, mbledhja e mbeturinave. Kjo mbase ka sjelle qe gjerat te përshpejtoheshin.
Sepse po te kalohej buxheti dhe nuk do kishte reagim, do hynte ne fuqi pas buxhetit dhe rutina merrte kohen e vet. Ministria e Financave ka marre atë projektvendim, e ka refuzuar për tre arsye. E treta, arsyeja financiare dhe përmbushja e detyrimeve nga kompania. Kërkonim qe te dyja palët te ishin ne gjendje qe te përmbushini detyrimet”, tha ai.
Më tuje ai u shpreh se, nuk ka VKM që të miratojë një procedurë kur ajo është në kundërshtim me ligjin. “Që të përfshihej ose jo, duhej që qeveria të angazhohej sepse buxheti është një akt madhor sepse aty vendoset politika ekonomike për vitin e ardhshëm dhe afatmesëm. Lidhur me atë që ju thoni se me VKM është miratuar kjo procedurë e veçantë.
Këtë nuk e di. Sepse ministria e Financave ka qenë kundër që të vendoset procedurë tjetër. Unë, në dijeninë time, besoj se jam i sigurt që nuk ka VKM që të miratojë këtë procedurë jashtë ligjit”, ka thënë Shkëlqim Cani. Sakaq, Cani i qëndron mendimit të tij që pagimi i koncesionit për inceneratorin e Elbasanit ishte një hap i gabuar.
Discussion about this post