Në Komisionin Hetimor për inceneratorët është thirrur sot si dëshmitar ish-ministri i Financave, Shkëlqim Cani. Ai tha se kanë kaluar shumë kohë dhe nuk mund të kujtojë gjithçka, por përmendi me siguri faktin se asaj kohe ministria nuk kishte kapacitet dhe fonde për Inceneratorin e Elbasanit, shto këtu faktin që koncesioni që do merrte përsipër projektin nuk përputhej me ligjin.
Sa i takon fondit të shtuar për këtë inceneratorë, ai tha se nuk mund të flas se si ndodhi, pasi është një buxhet afatmesëm dhe u bë për një nevojë emergjente, por se si ndodhi më pas ai nuk ti të jap shpjegime për këtë. Por, theksoi se aktet ligjore nuk lejonin lëshimin e fondit për koncesionarin
Pjesë nga biseda:
Shkëlqim Cani: E kam të vështirë që pas 7-8 vitesh të kujtoj gjithçka. E kam të qartë si ka rrjedhur procedura.
Jorida Tabaku: E gjithë procedura ka nisur me një kërkesë nga Lefter Koka ndaj jush. Ka fonde buxheti i shtetit për këtë koncesion? Ju jeni përgjigjur me shumë korrektesë, që ky projekt nuk ka informacione të nevojshme për ta vlerësuar. Kjo është shkresa juaj e parë. Në gjykimin tim përgjigjia juaj nuk është përgjigje finale.
Shkëlqim Cani: Përgjigjet e mia bazohet në legjislacionin në fuqi. Koncesioni nuk përputhej me ligjin. Kemi thënë që nuk ishte në tre opsionet. Ministria e Financave është një ministri konservatore.
Jorida Tabaku: Ju keni refuzuar në fakt. Ndërkohë që vjen shkresa e parë tek ju, buxheti i shtetit ndryshon. Pa thënë miratimin, buxheti ndryshon dhe shtohet zëri i inceneratorit të Elbasanit. Keni dijeni se përse ndryshoi?
Shkëlqim Cani: Buxheti është ndërruar disa herë. 3-4 herë në vit, është pjesë e rutinës së ndryshimit. Nga kjo që thoni ju, kam merak, është ndryshim, apo buxhet afatmesëm?
Jorida Tabaku: E vërtetë është në afatmesëm. Ashtu siç e thatë ju.
Shkëlqim Cani: Jam pak i kufizuar në të folurën tani, ishte emergjencë mbledhja e mbeturinave. Por është një pjesë që nuk flas dot më në atë kohë. Nuk më takon të interpretoj kohën tani. Njëra prej tyre është madhore.
Discussion about this post