Hetimet për çështjen e inceneratorit të Elbasanit kanë përfunduar. SPAK është duke komunikuar akuzat për të pandehurit. Më pas ata kanë 10 ditë kohë për të paraqitur pretendimet e tyre.
Pas kësaj pritet që dosja të dorëzohet në Gjykatën e Posaçme dhe ajo të vendosë kalimin për gjykim apo jo në seancë paraprake.
Deri tani nga të akuzuarit, ish-ministri i Mjedisit Lefter Koka është personazhi më i rëndësishëm i hetimeve.
Ndërkohë me masa sigurie janë dhe Pëllumb Abeshi, ish-kryetar i Komisionit për dhënien e inceneratorit, ish- drejtor i politikave në Ministrinë e Mjedisit; Bardhyl Çabiri- ish-anëtar i Komisionit nga Bashkia e Elbasanit; Etleva Kondi, ish-anëtare e Komisionit për dhënien e koncesionit; Jonida Zeqo, ish-anëtare e Komisionit për dhënien e koncesionit; Serafin Papa, Ish-anëtar i Komisionit për dhënien e koncesionit.
Discussion about this post