Pas sekretares së Përgjithshme të Ministrisë së Energjetikës, ka dhënë dëshminë e tij administratori i inceneratorit të Fierit, Loran Dusha. Ky i fundit, i është përgjigjur thirrjes së kryetares së Komisionit Hetimor, Jorida Tabaku për të dëshmuar online, pasi ishte infektuar me koronavirus.
Dusha në dëshminë e tij ka folur për 23 milionë euro shpenzime nga ky incenerator, të cilat pretendohen nga Tabaku në këtë komision. Ai shprehet se nuk ka dokumente për të dhënë një përgjigje zyrtare, por deklaron se ato mund të jenë shpenzuar për nënkontraktorët e huaj.
Debati:
Tabaku: Nuk ka pasur impiant në vitin 2019
Dusha: Por ne detyrimisht kemi nënkontraktorë jashtë Shqipërisë. Dhe janë udhëtime pune për nevojat e kompanisë, për të shkuar në nënkontraktorë.
Tabaku: Sipas librave të shitjes, Klodian Zoto është i vetmi kontraktor.
Dusha: Unë nuk i mbaj mend të gjitha. Ne kemi porositur agregatë për inceneratorët.
Tabaku: Nuk ka pasur inceneratorë.
Dusha: Bëhet porosia për agregatë.
Tabaku: Si kanë paguar 23 mln euro në 4 vite kur s’ka pasur incenerator. Shqetësimi im është se janë paguar 23 mln euro kur nuk ka pasur punë. Kanë udhëtuar jashtë kur s’ka pasur punë.
Dusha: Zonjë e nderuar, ju keni qenë prezentë në impiantin e inceneratorit të Fierit. Në çfarë faze është. Ndërtimi i impiantit ka përfunduar.
Discussion about this post