Ka nisur në GJKKO seanca për shpalljen e vendimit për inceneratorin e Fierit.
Gjykata kërkon nga prokuroria saktësim akuzash pasi Alqi Bllakon nuk e konsideron zyrtar të lartë por funksionar publik.
Ndërkohë bien akuzat për korrupsion pasiv i personave që ushtrojnë funksione publike dhe shpërdorim detyre për zëvendës presidentin e FSHF, supervizor i punimeve të inceneratorit Arben Dervishaj.
Po kështu, gjykata rrëzoi kërkesën e avokatëve për më shumë kohë për t’u njohur me akuzat e reja pas ndryshimit të tyre.
Seanca për inceneratorin e Fierin është shtyrë të paktën 4 herë. Pasi avokatët e të akuzuarve kanë kërkuar që të pushohet çështja, por kjo kërkesë është rrëzuar.
Gijithashtu avokatët kanë kërkuar që ndaj personave të arrestuarve dhe të pandehurve të zhvillohet një gjykim i shkurtuar. Kjo kërkesë pritet që të marrë një përgjigje ditën e sotme.
Të gjithë personat e përfshirë, përveç Etleva Kondit kanë kërkuar që procesi ndaj tyre të zhvillohet më gjykim të shkurtuar, ç’ka do të thotë në rast se ata do të gjendet fajtor pritet të përfitojnë ulje të dënimit me 1/3-ën.
Discussion about this post