Në Gjykatën e Posaçme të Apelit u zhvillua këtë të enjte seanca e radhës për inceneratorin e Fierit, ku u pyetën shtatë dëshmitarë pas kërkesës së prokurorit Dritan Prençi.
Dëshmitarët e thirrur për të dëshmuar përfshinin ekonomistët Ueda Hajrullai dhe Anela Shkurti, inxhinierët Ilirjan Priftaj dhe Perika Totojani, si dhe Enid Ndine, ndërtues kantieri. Gjithashtu, dëshmoi edhe shoferi Endri Kolaci dhe Alba Thoma, zyrtare në Ministrinë e Mjedisit.
Për shkak të mungesës së Elton Buallit, i cili nuk u paraqit, si dhe faktit që Arjola Kodra nuk dha pëlqimin për t’u pyetur, seanca u zhvillua pa këta dëshmitarë.
Mbrojtësit ligjorë kërkuan kohë për të përgatitur konkluzionet me shkrim, të cilat do t’i bashkëngjiten shkaqeve të ankimit. Si rezultat, seanca gjyqësore u shty për më datë 14 nëntor, në orën 10:00.
Discussion about this post