Endrit Braimllari, këshilltar i Partisë së Lirisë në Këshillin Bashkiak të Tiranës, ka sjellë në vëmendje 5 pyetjet që i janë drejtuar Kryebashkiakut Erion Veliaj lidhur me inceneratorin e Tiranës, të cilave ai nuk iu përgjigjet.
Përmes një postimi në rrjetin social, Braimllari shkruan se edhe pse kanë kaluar më shumë se një muaj nga mbledhja e fundit e këshillit bashkiak Tiranë, Erion Veliaj, ende nuk është në gjendje t’i përgjigjet pyetjeve të këshilltarëve të Partisë së Lirisë mbi inceneratorin e Tiranës.
Braimllari sjell në kujtesë 5 pyetjet që i janë drejtuar Erion Veliajt 1 muaj më parë, ndërkohë që nuk ka kthyer asnjë përgjigje.
“📌A ka qenë parashikuar në buxhetin e kaluar si zë financimi i inceneratorit nga Bashkia Tiranë?
📌Sa ton mbetje janë depozituar çdo vit kalendarik që nga lidhja e marrëveshjes së Bashkisë së Tiranës në landfillin e Sharrës?
📌Sa është buxheti i Bashkisë Tiranë për inceneratorin e Tiranës?
📌Sa para janë paguar çdo ditë nga buxheti i Bashkisë së Tiranës për inceneratorin e Tiranës, që nga nisja e kësaj kontrate.
📌Pse Erion Veliaj nuk ju drejtuar Këshillit Bashkiak për këtë çështje në vitin 2017?”
Duke i rrëmbyer kështu kompetencat këshillit bashkiak.
Këto janë pyetje që shqetësojnë çdo ditë Erion Veliaj, sepse ai është i vetëdijshëm mbi autorësinë, përgjegjësinë dhe përfitimim e drejtpërdrejtë nga kjo aferë korruptive.
Këshilltarët e Partisë së Lirisë në këshillin bashkiak të Tiranës do të luftojnë çdo ditë për transparencë dhe llogaridhënie.
Ne do të përmbushim premtimin tonë përpara qytetarëve të Tiranës që Bashkia e Tiranës do t’i nënshtrohet transparencës dhe llogaridhënies.
Erion Veliaj nuk mund t’i shmanget drejtësisë, transparencës dhe llogaridhënies”, shkruan Braimllari.
Discussion about this post