Zëvendëskryeministri Arben Ahmetaj, gjatë dëshmisë në Komisioni Hetimor për Inceneratorët, deklaroi se inceneratori i Tiranës nuk ka marrë asnjëherë mbështetje nga buxheti i shtetit. Sipas tij, koncesioni nuk kërkon mbështetje buxhetore, por transfertë përmes bashkisë së Tiranës, e cila është dhe autoriteti që paguan shërbimin. Ai shton se është qeveria që vendos t’i japë transfertë, ose jo, enteve lokale në varësi të kërkesës që ato kanë dhe emergjencës së shërbimit të ofruar.
Pjesë nga diskutimet:
Arben Ahmetaj: Në këndvështrimin tim e them me shumë qartësi koncesioni i Tiranës nuk kërkon mbështetje buxhetore. Jemi dakord që nuk kanë kërkuar mbështetje buxhetore?
Jorida Tabaku: Në shkresën që citoni ju thuhet se koncesioni nuk kërkon mbështetje buxhetore. Në dijeninë tuaj ka marrë mbështetje buxhetore ky projekt?
Arben Ahmetaj: Koncesioni nuk ka marrë mbështetje buxhetore asnjëherë. Bashkia e Tiranës në të drejtë të vetë për të lobuar brenda dhe jashtë vendit me partner apo me qeverinë për të tërhequr mbështetje, ka kërkuar gjithmonë transfertë dhe qeveria vendos në bazë të disponibilitetit të vetë t’i jap, apo mos t’i jap.
Nuk ka marrë mbështetje, ka marrë transfertë direkte bashkia e Tiranës, që është organi që paguan shërbimin. Bashkia e Tiranës është autoriteti që paguan shërbimin dhe herë pas here i vjen qeverisë në raport me nevojat që ka dhe i thotë që kam nevojë për transfertë, dhë është në të drejtën e bashkisë që të kërkojë dhe në të drejtën e qeverisë të japë. Jo ky koncesion nuk ka marrë mbështetje buxhetore.
Discussion about this post