Inceneratori i Tiranës, Kryemadhi: Kryeministri i Shqipërisë është pronari, SPAK i kapur

Në një intervistë në emisionin ‘Kjo Javë’, deputetja e PL Monika Kryemadhi nuk i ka ndalur akuzat ndaj kryeministri Edi Rama.

Kryemadhi u shpreh se kryeministri Rama është pronari i inceneratorit.

“Rama nuk mund të thotë që jo nuk i kam referuar se unë jam Klodian Zoto. Kryeministri i Shqipërisë është pronari i inceneratorit dhe ideatori i skemës së evazioni fiskal. Aq shumë i dhemb kjo kryeministrin saqë sot nuk na tregon transparencën e parave të Inceneratorit të Tiranës.

Banda e inceneratorëve me në krye Edi Ramën, mundohen të fshijnë çdo informacionin. Intimidimi që i bëjnë Prokurorisë, Rama dhe Veliaj tregon që problemi i incineratorëve është kryesor. SPAK është institucion i kapur nga qeveria”, tha Kryemadhi.