Inceneratori i Tiranës, Lala: A mund të vepronte Taulant Tushe pa lejen e Veliajt

Gazetarja Klodiana Lala tha mbrëmjen e sotme se SPAK duhet të hetojë aferën e inceneratorëve në kuadrin e një grupi të strukturuiar kriminal.

Në emisionin “Të Paekspozuarit”, Lala tha se inceneratori i Tiranës është skandali më i madh dhe ne sot kemi të arrestuar një drejtor të Bashkisë.

“Ju mendoni se ky drejtori i Bashkisë ka vepruar pa dijeninë e Kryebashkiakut? Mjafton vetëm një fakt që kryebashkiaku ka përfshirë në inceneratorin e Tiranës edhe bashkitë e tjera dhe mjafton ky fakt për t’i ngritur akuzë penale”, tha Lala.

Në vijim ajo shtoi se dosja e inceneratorëve është ndarë në disa fraksione e ka relativizuar çështjen.

Lala thotë se po të shkohet hap pas hapi tek çështja e inceneratorëve do të shihet se bëhet fjalë për një grup të strukturuar kriminal.

“Faktoi që është ndarë në disa fraksione e ka relativizuar çështjen. Sipas prokurorisë ka para të tërhequra cash.

Duke u fragmentarizuar përgjegjësitë kanë mbetur pa u hetuar mirë. Inceneratori i Tiranës nuk ekziston, nuk kanë bërë investim pavarësisht faturimeve që janë vërë.

Tirana është skandali më i madh. A mund të vepronte Taulant Tushe pa pasur dakordësinë e kryetarit të Bashkisë Tiranë? Sigurisht që jo.

Po të shkojmë hap pas hapi këtu është një grup i strukturuar që ka dashur të zhvasë miliona”, tha ajo.