Ish-deputeti socialist, Alqi Bllako, u kthye këtë të martë në Gjykatën e Posaçme, për t’u përballur me akuzën e “korrupsionit pasiv të funksionarëve të lartë shtetërorë” në çështjen e inceneratorit të Tiranës.
Ndryshe nga gjykimet e dosjeve të inceneratorit të Fierit dhe Elbasanit, në këtë proces, Bllako gjykohet i veçuar nga të bashkëpandehurit.
Gjykata pranoi kërkesën e ish-deputetit për gjykim të shkurtuar, lloj gjykimi që në rast fajësie i ul një të tretën e dënimit. Pasi lexoi kërkesën për gjykim, gjykata ftoi palët në konkluzione përfundimtare dhe caktoi datën 29 janar për leximin e pretencës së SPAK kundër Bllakos.
Sipas SPAK, gjatë kohës që ishte sekretar i përgjithshëm i Ministrisë së Mjedisit dyshohet se ka përfituar para në vlerën e rreth 120 mijë euro dhe 7 milion e 520 mijë lekë përmes Vladimir Bezhanit nga shoqëria koncesionare për ndërtimin e inceneratorit.
Bllako i ka propozuar Bezhanit që të ofronte konsulencë juridike për çështjen e inceneratorit të Tiranës para se të bëhej propozimi i pakërkuar në lidhje më këtë çështje.
Bllako i ka kërkua Klodian Zotos që ta punësojë në atë kohë Bezhanin. Ky i fundit ishte këshilltar i jashtëm i ministrit Koka, edhe pse paguhej nga shoqëria “Integrated Technology Services sh.p.k.”.
Discussion about this post