SPAK ka firmosur 15 urdhër-arreste lidhur me inceneratorin e Tiranës, ku krahas emrave të Mirel Mërtirit dhe Klodian Zotos, që janë në kërkim edhe për dy inceneratorët e tjerë, Fierit dhe Elbasanit, përfshihen edhe disa drejtorë të Erion Veliajt në Bashkinë e Tiranës.
Nga raportimet mësohet se një prej emrave që ndodhet në listën e SPAK është edhe ai i Taulant Tushes, drejtor i Përgjithshëm i Punëve Publike në Bashkinë e Tiranës.
Por jo vetëm, nga raportimet ende jo zyrtare, mësohet se në listën e SPAK përfshihen edhe disa drejtorë të rëndësishëm të Veliajt, që kanë firmosur lidhur me aferën e inceneratorit të Tiranës.
Gjithashtu në listën e SPAK ndodhet edhe emri i Namik Simixhi, si pjesëtar i Komisionit të Tenderit.
Si Tushe ashtu edhe Simixhi kanë qenë pjesë e procedurave për inceneratorin e Tiranës.
Operacioni i SPAK është në vijim, ndërkohë që janë ripërsëritur masat e sigurisë për Lefter Kokën e Alqi Bllakon.
Më herët SPAK ka vendosur nw sekuestro inceneratorin e Tiranës, pasi nga hetimi paraprak zbuloi se Klodian Zoto dhe Mirel Mërtiri janë pronarët e vërtetë të projektit dhe se kompania ka lëshuar miliona euro fatura të falsifikuara, të paguara nga taksapaguesit e Tiranës, Durrësit e bashkive fqinje me të.
Discussion about this post