“Inceneratori po djeg paratë e librave të mi”, Meta poston mesazhin nga protesta

Kryetari i Partisë së Lirisë, Ilir Meta ka nxjerrë një nga mesazhet më domethënëse të protestës së një dite më parë në inceneratorin e Tiranës.

Në Facebook, ish-Kreu i Shtetit ka publikuar pankartën e një vogëlusheje, e cila shkruan: “Inceneratori po djeg paratë e librave të mi”.

Kreu i PL-së thotë se “Arsim cilësor pa buxhetim nuk mund të ketë. Vetëm arsimi, si prioritet kombëtar, sjell zhvillim”.

“Një nga mesazhet më domethënës të protestës qytetare!

Paratë që duhet të shpenzoheshin për një arsim cilësor, vidhen me inceneratorët duke djegur të ardhmen e fëmijëve”, shkruan Ilir Meta.